غمضت عينى وقلت احلم
قلت اطير فوق السحاب
اترسمت على شفايفى بسمة
فيها كل الامنيات
حسيت بدنيا جديده حلوة
فيها كل شئ جميل
فيها ضحكة فيها بسمه
فيها قلب لسه برئ
السما فعيونى زرقه
والارض مليانه خضره
اجرى اطير مش مهم
المهم انى عايشه
عايشه فى حلم طويل جميل
مش مهم مين معايا
ولا مين مش معايا
المهم انى صاحيه
بتنفس هوا جميل
طير يا قلبى اوع تخاف
ده حلمى انا مفيهوش خطر
مفيهوش دموع مفيهوش حزن
كل الى فيه ورد ومطر
والنسمه بتجرى عليه
شايلانى وطايره بيه
السعاده كلها حواليه
هتقلى كلام مش معقول
وفيها ايه ما انا اصلى بحلم
وعشت حلمى فغمضة عين